أنسو فاتي من الرقم 10 للدكة للإعارة
هل هو ذنبه وحده أم تتحمل بيئة برشلونة و تشافي جزء كبير، حقيقي حزين و محبط جدا بكل ما مر به إنسو فاتى من تغييرات صعبة و مجنونة الإستيعاب للاعب هيكمل 21 سنة لسة .
للأسف فاتي ظهر فى وقت بائس جدا لوضع برشلونة و لكنه كان من العلامات المضيئة رغم سوء الفريق و أحواله ، مما جعل بيئة برشلونة تتصرف معاه بغباء شديد و تحميله عبئ تراكمات كوارث الماضي و معاملته كـ ميسي الجديد و ده شئ يصعب على لاعب 17 سنة ، بدل من حمايته و احترام كل مرحلة بأنه لسة شاب محتاج وقت ، و يزداظ الوضع سوء بإصابات طويلة الأمد .
إصابات فى وقت ما كان متوهج طبيعى تأثر على أى لاعب ما بالك بلاعب لسة بيستوعب الوضع اللى هو فيه ، و كل ما كان ما بين إنتكاسات الإصابات كان بيسجل و بيسيب بصمة لأنه بالأساس فعلا لاعب ممتاز .
بعد عاصفة الإصابات للاعب فى سنه طبيعي الشك يدخل فى نفسية اللاعب ، و انه مبقاش يفكر انه يحاول يرجع تدريجيا لأ ده عاوز يرجع يثبت نفسه و يثبت انه جدير بالثقة و لكن من سوء حظه هو الرجوع مع جهاز فني لا يطور اللاعبين و يتركك وحيدا اذا فقدت مستواك .
الجهاز الفني بقيادة تشافي أثبت بدل المرة 10 انه مش هيكون عون لأى لاعب يفقد مستواه ، اللى هيفقد مستواه مفيش أى نوع من الشغل معاه أو حماية اللاعبين ، و يتحول لاعب شاب لأنس فتحي هههه و الكوميديا المعتادة من جمهور برشلونة بعد مبالغات برفع اللاعبين لسابع سماء فسرعان ما يتم خسفهم لسابع أرض تجاهل لأى منطق أو إدراك للمعطيات .
و طبعا الوضع حاليا بيتكرر مع يامين لامال و بمجرد إصابة و انخفاض مستواه و طبعا مش هيلاقي اللى يساعده فالطاقم الفني هيتحول لأمين جمال و هههه و ده عيل و شاف نفسه .
أتمنى فاتى يستكمل البوتنشيال اللى كان ماشي عليه قبل الإصابات مع مدرب عظيم زي دي زيربي و طاقمه ، و أتمنى يكون اللى حصل ما أفقدوش الثقة فى نفسه و تتحول مسيرة اللاعب لإنحدار بسبب عدم التعامل الصحى معه من البداية و عدم حمايته بشكل صحيح .
و بعين أخرى أتمنى باقى لاعبي الفريق صغار العمر جافى-يامال-بالدي-فيرمين لوبيز بالتعامل معاهم بشكل صحيح .
